ჟებოტა,თიანეთი
20.07.2021
ამასწინ, თიანეთის ბიბლიოთეკის ხელმძღვანელმა, ქეთი ხარანაულმა ერთი გოგონას, ასმათ ხახიაშვილის შესახებ მიამბო. ასმათი მთაში, სოფელ ჟებოტაში ცხოვრობს დედასთან ერთად, გამორჩეული მოსწავლეა, მაგრამ დისტანციური მეცადინეობა უჭირს ტექნიკის და ინტერნეტის უქონლობის გამო. დღეს ასმათს ჩვენს მეგობართან, პოეტ ტარიელ ხარხელაურთან ერთად ვესტუმრეთ. გოგონას უკვე აქვს წიგნები, კომპიუტერი, ინტერნეტი.
როგორც იცით,ეროვნული ბიბლიოთეკა და #გალფი მოძრაობა შენმოქმედს დაუმეგობრდა – პირველ ეტაპზე 30 ოჯახში კომპიუტერებს ჩავიტანთ და 18 თვე ინტერნეტით მოვამარაგებთ.
